يارب تكون دى بداية يوم جديد وسعيد عليكم
مش هرغى كتير وهدخل فى الموضوع
لأنى أول مرة أكتب فالقسم هنا
طبعا المشكلة الأزلية بتاعة كل الستات
هى ازالة الشعر من المنطقة الحساسة
وبيبقى يوم ما يعلم بيه الا ربنا
للى بيستخدموا السويت أو البراون
بس هو شر لابد منه
المهم فضلت أدور على حل وادعبس
ولا معجون سنان نفع ولا تلج ولا معرفش ايه
وخفت أجرب المخدر
I love you I love you
يقطع الكسل وسنينه
الطريقة دى هى
*
* Like a Star @ heaven Like a Star @ heaven
*
( الجـــــوانتـــــــــى الطــــبـــــــى )
أه والله الجوانتى الأبيض بتاع العمليات ده
بيتباع فى أىىىىىىىىىىى صيدلية بجنيه ونص
النهاردة طأت فى دماغى وقررت أجرب
كل اللى هتعمليه انك تلبسى الجوانتى
وعلى النااااااااشف كده
وتبتدى تعملى تدليك بسيييييييييط للمنطقة دى دقيقة واحدة بس كفاية
هتحسى بسخونة كده او دفء يعنى بمعنى أصح
وحتى وانتى بتدلكى هتلاقى فى شعر بيطلع فى ايدك
بعد كده هتبتدى تمسكى شوية شوية وتبرميهم وتشديهم
هتلاقيهم طلعوا بدون أى ألم
أو هتحسى بشكة دبووووووس والله شكة مش أكتر وجربى وشوفى
وطبعا ممكن تستخدمى الطريقة دى تحت الأبط
زى ماتحبى
والله يا بنات لسة مجرباها النهاردة وربنا شاهد على كلامى
ولما شفت النتيجة عملت كده
أخيرااااااااااااااا الشعر بيطلع من الجذور
ومافيش أى ألم لما كنت هقوم أرقص
وقلت لازم أقوللكوا عشان اللى ميعرفش الطريقة يعرفها
واللى كان عارفها يجربها
وحبيت أفيدكوا لانى عارفة أد ايه الموضوع صعب علينا كلنا
وعارفة ان ناس كتير مش هتصدقنى
انا كمان مكنتش مصدقة
لكن سبحان الله حاجة صغيرة ورخيصة وعملت نتيجة مذهلة
وده لأن المادة اللى الجوانتى مصنوع منها لما بتحتك بالشعر بتولد شحنات كهرومغناطيسية
هى اللى بتجذب الشعر وتطلعه بدون ألم
ربنا يسعدكوا يارب
بالله عليكم تجربوها النهاردة
نفسى ترتاحوا زيى من الهم ده
وهى مش مكلفة خاااااااالص
وهستناكوا تقولولى النتيجة يا قمرات
واللى تحقق معاها نتيجة تدعيلى بسعادة الدنيا والأخرة
منقول من منتدى نور الحياة النسائى