هوبة الاروبة
المديرة التنفيذية
عدد المساهمات : 624
تاريخ التسجيل : 26/04/2010
العمر : 36
 |  موضوع: قال ست البيت قال تعالوا احكموا انتو  الثلاثاء 11 مايو - 13:51 | |
| اول الشهر جيه والحمد لله وجوزك قبض وادالك القبض كله وقالك اتصرفى يا حياتى
وانتى برضو مش قاعده فى البيت بتشقى وتتعبى وقبضتى انتى كمان ومرتبك على مرتبه اول الشهر والحياه حتبقه زى الفل والبيت حيمشى تمام
عدينا لحد يوم 10 فى الشهر ويا لهوووى
قالك ايه يا وليه بتولولى ليه
قولتيلو الفلوس خلصت
قالك ليه ده انتى منشفاها علينا وشدين الحزام يوم كشرى ويوم عدس ويوم فول وجبنه بقوطه
المصروف لحق
رديتى حضرتك وقولتى لا هو انا مقولتلكش الواد الحيله ابنى اللى طلعت بيه
من الدنيا كان نفسه فى موبايل بكاميرا زى المزغود ابن اخوك الفاشل كل شويه
ييجى يغيظ فى ابنى انت عاوز الواد يجرالو حاجه
قالك يا سيتى انا مش شايل موبايل بقول اللى اشحن بيه البيت اولى بيه وعلى العموم حسبى الله ونعم الوكيل خلاص انا حصرف
وتانى شهر تعيد نفس المنوال يالهوووووووووى
يقولها ايه تانى
تقولو المصروف خلص يقولها ليه مش خلاص ابنك الحيله محدش بيغيظو فى ايه تانى
ترد وتقول
البت مقصوفه الرقبه بنت اختك جيبه بنطلون امريكى بالشى الفلانى وكل شويه
داخله خارجه علينا بحجه اننا وحشناها وهى جيه تفرس البت بنتى
ماهى كياده زى امها وامها هى اللى مسلطاها روحت واخده بنتى ونازله جيبالها
احلى واغلى بنطلون من اغلى مكان امال ايه هو انا عندى اغلى منها
يرد ويقول حسبنا الله ونعم الوكيل
تالت شهر يا لهوووووووووووووى ايه تانى
مرات اخوك عماله تلقح بالكلام عشان شاريه تلاجه جديده ببابين وانت اقل من اخوك ده انت سيد الرجاله
قمت رايحه دافعه مقدمه تلاجه امال ايه
ومن هنا جت الديون اللى الراجل لا بينام لا ليل ولا نهار بسببها
ورينا همتكم يا جميلات
تقبلى تشوفى ابنك محتاج حاجه ومتجيبيهاش وتعيشى على قدك باللى قسملك بيه ربنا
ولا تبدأى تشترى وتتداينى
قوليلنا رأيك عشان الافاده | |
|
حنين الروح
عضو متميز جدااااااااااااا
عدد المساهمات : 660
تاريخ التسجيل : 26/04/2010
العمر : 40
| | موضوع: رد: قال ست البيت قال تعالوا احكموا انتو الأربعاء 12 مايو - 3:17 | |
| هههههههههههههههههههههههههه | |
|
