هوبة الاروبة
المديرة التنفيذية
عدد المساهمات : 624
تاريخ التسجيل : 26/04/2010
العمر : 36
 |  موضوع: انتى معايا وشك زى البدر.. مافيش سمار فى المنطقة الحساسة.. جسمك لون واحد(مجربة)  الأربعاء 28 أبريل - 12:29 | |
| بسم الله الرحمن الرحيم
اولا
ماسكات البشرة
قبل اى ماسك لازم نغسل البشرة كويس باى صابونة و الصابونة الى انا بستعملها هيا Smoth Face
وبعد الصابونة تعملى حمام بخار عشان تفتحى المسام و البشرة تعرف تستفيد من الماسك كويس
و الاعشاب الى بستعملها هيا
عشب شجرة الشاى
عشب زهرة البابونج
نصف ليمونة
تقفى قدام البخار بعد طبعا ما يغلى و يكون اضاف عليه الاعشاب تقفى قدامه عشرة دقايق او ربع ساعة
و بعدين تستعملى الماسك بتاعك
الماسكات دى كلها خليت وشى و الله العظيم زى البدر و فى اتنين منهم انا اخدتهم من فتوكات هنا جزاهم الله خيرا و جرتهم و طلعوا تحفة
الاول
ماسك الزيوت و الليمون (منع ظهور التجاعيد و تصفية البشرة)
زيت الزيتون
زيت اللوز بتاع البشرة
زيت السمسم
زيت المشمش
زيت جنين القمح
لانولين
مقدار ملعقة صغيرة من كل نوع
يسخن اللانولين و الزيوت فى اناء ثم يضاف اليه عصير الليمون و يترك حتى يبرد و يوضع على الوجه لمدة ساعتين ثم يشطف
(ينصح
بعدم استعمال صابون او غسول للبشرة فى اليوم الى تعملى فيه الماسك دة عشان
الزيوت تفضل على البشرة اكبر قدر ممكن يعنى تغسلية بالمية و بعدين تمسحى
بمنديل ورق و بس)
الماسك الثانى
ملعقة صغيرة خميرة البيرة من الفرن +ملعقة كبيرة زبادى منتهى الصلاحية +ملعقة ماء ورد
يخلط جيدا حتى يتماسك و يوضع على الوجه لمدة نصف ساعة ثم يغسل و يوضع بعدة مرطب خفيف للبشرة
الماسك الثالث
ملقعة كبيرة نشا +نصف كباية ماء
يسخن الخليط لغاية مايبقى شكلو زى الجل بالظبط و تتطفى النار و تقلبى كويس و يترك حتى يبرد
يوضع على البشرة لمدة ثلث ساعة ثم يغسل
نصائح شخصية منى :
1.ماسك الزيوت يستعمل مرتين فى الشهر
2.ماسك النشا مرتين فى الاسبوع
3.ماسك الخميرة مرة فى الاسبوع او مرتين
4.بلاش تعملى ماسكين فى يوم واحد عشان البشرة ماتجهدش
5.لازم مرطب خفيف بعد اى ماسك تعمليه الا ماسك الزيوت دة مايتحطش بعديه اى حاجة ولا تغسلى البشرة
6.حمام البخار لازم يتعمل كل اسبوع
ثانيا
التخلص من سمار المنطقة الحساسة
الطريقة الى عملتها عشان اشيل سمار المنطقة الحساسة الحمد
لله و الله العظيم يا جماعة المنطقة عندى بقيت زى الفل بيضة قشطة و منورة
و لونها وردى بس اعملى الطريقة بالظبط زى مانا هكتبها و باذن الله هتلاقى
النتائج المرضية
المكونات:
مرهم بيتادين
علبة كريم جليسوليد الحجم الكبير او المتوسك معصورة عليها ليمونة كبيرة او ليمونتين صغيرين
قبل ماتنامى
تحطى طبقة سميكة من المرهم و طبقة فوقيها سميكة برضو من الجليسوليد على المنطقة كلها تغرقيها و تدعكى لغاية مايتخلطو مع بعض و يبقى لونهم برتقانى
كدة و بعدين تسبيه بعد كدة البشرة هتشربو لوحداها و تلبسى اندر يكون واسع
عشان مايتمسحش فيه الخليط و تنامى و ممكن تعمليها بالنهار براحتك بس انا
كنت عملتها بالليل عشان الواحدة بتقى نايمة و مافيش حركة و لو عايزة
تعلمهيا الصبح براحتك
ولاما تصحى الصبح تغسلى المنطقة بالغسول بتاعك الى بترتاحى عليه انا بستعمل مالفا بجد ممتاز
بعد بقى ماالسمار بفضل الله راح بقيت بستعمل الخلطة دى كل اسبوع تالت مرات عشان احافظ على البياض
زيت اللوز
زيت جنين القمح
جلسرين
فازلين
اخلطيهم كويس لغاية مايتماسك الخليط و حطى منو كل اسبوع تالت مرات
نصائح الشخصية:
1.لازم المنطقة تتقشر كويس كل اسبوع لانو الخلايا الميتة هيا اساسا الى بتدى اللون الاسود للمكان
و افضل تقشير هوا
كربونات الصوديوم تجيى شوية و تحطيهم على حتة قماشة و تدعكى بس موش جامد براحة عشان المنطقة ماتتجرحش ولا تلتهب
وبعدين تشطفى الماكن و تحطى مرطب او زيت اللوز
2.تعطير المنطقة دى بطريقة سهلى اوى و هيا:
بللى المنطقة بطريقة خفيفة و حطى شوية صغيرين من كريم جليسوليد الاحمر على المنطقة و هيا مبلوبة و ادعكى الكريم كويس و بعدين نشفى المكان بورقة منديل هتلاقى المنطقة رحيتها تحفة و نضيفة
3.الشعر يتشال كل اسبوع
4.لازم تنشفى الماكن كويس بعد كل حمام
5.الالويز ايام الدورة مايتسبش اكتر من 8 ساعات
ثالثا
توحيد لون الجسم
بكربونات الصوديوم
سيبك من كل كلام يتقال تانى دة الى انا عملتو و الله ما فى غيرها وحدت لون
جسمى و بعد كدة بقيت اعمل الحمام المغربى او اى طريقة تقشير تانية لكن
اساسا الى خلا لون جسمى واحد هيا كربونات الصوديوم و برضو للامنة انا
خدتها من منتدى تانى الطيقة دى
اولا
بعد ماتغسلى جسمك بالشاور عشان تشيلى اول طبقة موش نضيفة من الجسم
تسيبى جسمك مندى و بعيدن تجيبى فوطة صغيرة الى هيا بتقى مربعة دى هتلاقيها عند مامتك خدى واحدة خليها ليكى
و
بللى الفوطة بماء دافئ و اعصريها و بعدين حطى عليها كربونات الصوديم لغاية
مايبقى كلها متغرقة بيه و بعدين ادعكىجسمك كويس جدا و اتكى كويس على
المناطق الى فيها سمار و و اشطفى جسمك بعد ماتخلصى و ارجعى اعملى كدة تانى
يعنى مرتين
و بعدين اشطفى جسمك تانى و بعدين حطى الللوشن دة و اوعى تكنسلى حاجة منو
زيت اللوز للبشرة طبعا
زيت جنين القمح
زيت الزيتون
جليسرين
نصف زجاجة ماء ورد
اى نوع لوشن انتى بترتاحى عليه
جل جونسون
( معروف جدا و موجود فى كل حتة)
اخلطى كلو مع بعضو لغاية مايبى عامل زى الكريم و حطيه فى علبه و حطيه على جسمك بعد كل مرة مرة تقشرى بيها
بس
كدة اعملى الموضوع دة مرة او اتنين فى الاسبوع و اقسم بالله بعد اسبوعين
اتين يعنى بعد مرتين هتبتدى تحسى بالفرق و بعد شهر واحد جسمك كلو هيبقى
لون واحد و استمرى عليها بعد كدة عشان تحافظىعلىلون جسمك واحد
بعد بقى مابقى لون جسمى واحد بقيت استعمل وسائل التقشير التانية منها طبعا
الحمام المغربى
و احيانا بستعمل الطمى المغربى لواحدو و بنفس طريقة الحمام المغربى
و فى طريقة حلوة جدا خدتها من بنوتة جميلة هان بس و الله مافاكرة اسمها و هيا
ملح الحليب + الحناء البيضاء
معلقتين
من هنا و معلقتين من هنا و اخلطيهم كويس و عليهم ملعقة ماء ورد و حطيهم
على جسمك بعد ماتعرضى جسمك للبخار و ادعكى جسمك كويس جدا جدا و بس
و ممكن طبعا تستعملى ملح الحليب لوحدو
نصائح شخصية:
1.ممنوع
منعا باتا تجيبى الطمى المغربى او الاعشاب او الحناء البيضاء او الكربونات
و الزيوت من اى عطار لازم يكون عطار كبير و معروف و طبعا العطار الى
بتعامل معاه هوا عطار المروانى موجود فى فيصل فى شارع العشرين
2.اوعى
تجيبى ملح الحليب الا من الصيدليات لانو بيبقى مغشوش و اوعى تجيبه من
المولات او المعارض او محلات الاكسوار لانو يبقى مغشوش و ممكن يضر بشرتك
3.اوعى
تعدى اسبوع من غير ماتقشرى بشرتك و ترطبيها و لو موش فاضية خالص اسهل
طريقة للتقشير و ممتازة هيا ملح الحليب لكن برضو دى خليها الخطوة التانة
بعد ماتوحدى لون جسمك
أخيرا بقى:
1.كريم البشرة الى انا بستعملو و كل طول منور بشرتى
كريم ايفا اى حجم
زيت اللوز
زيت جنين القمح
زيت المشمش
فازلين
اخلطيهم كويس و حطيهم على بشرتك كل يوم قبل ماتنامى و طبعا تكونى نضفتى بشرتك
الكريمات الى بستعملها لما بكون خارجة و خليت بشرتى لوانها واحد وفاتح ووشى منور هيا:
1.كريم اولاى بالتوت البرى
2.كريم جونسون بتاع النهار
الكريمات دى ماتتجبش غير من الصيدليات لانها بتقى مغشوشة و موش اصلية
و
كمان مع الكريمات دول موش هتحتاجى سن بلوك انا كنت بستعمله اربع سنين و
انا فى الكلية و اتخرجت وا ان بشرتى زى الفل لا اسمرت و لا بقعت حطى اولاى
الاول و بعدين استنى عشر دقايق و حطى وراه كرم جونسون و بس .
و
الله يا جماعة امشوا على البرنامج دة و باذن الرحمن كل العيوب الى فى
البشرة و الجسم هتروح و هيبقى جسمك كلو لون واحد و كلو الى كتبتو هنا انا
جبتو ماشية عليه و الحمد لله طلعت بالنتايج الى انا كاتبها مافيش حاجة هنا
انا موش مجرباها | |
|
سكره
عضو نشيط
عدد المساهمات : 39
تاريخ التسجيل : 26/04/2010
العمر : 33
| | موضوع: رد: انتى معايا وشك زى البدر.. مافيش سمار فى المنطقة الحساسة.. جسمك لون واحد(مجربة) الخميس 29 أبريل - 0:03 | |
| | |
|
حنين الروح
عضو متميز جدااااااااااااا
عدد المساهمات : 660
تاريخ التسجيل : 26/04/2010
العمر : 40
| | موضوع: رد: انتى معايا وشك زى البدر.. مافيش سمار فى المنطقة الحساسة.. جسمك لون واحد(مجربة) الخميس 29 أبريل - 0:06 | |
| | |
|
